பிளஸ் 2 மதிப்பெண் சான்றிதழ் வெளியீடு : இணையதளத்தில் பதிவிறக்கம் செய்யலாம்...
பிளஸ் 2 மாணவர்களுக்கான மதிப்பெண் சான்றிதழ்கள் அரசுத் தேர்வுகள் இயக்கக இணையதளத்தில் வியாழக்கிழமை வெளியிடப்பட்டுள்ளன . தமிழகத்தில் மாநில பாடத்திட்டத்தில் பிளஸ் 2 பொதுத்தேர்வு மதிப்பெண் பட்டியலை பள்ளிக் கல்வித்துறை அமைச்சர் அன்பில் மகேஷ் பொய்யாமொழி 19 - ஆம் தேதி வெளியிட்டார் . இதில் 8 லட்சத்து 16 ஆயிரத்து 473 மாணவர்கள் அனைவரும் 100 சதவீதத் தேர்ச்சி பெற்றனர் . இந்தநிலையில் , தேர்ச்சி பெற்ற மாணவர்களின் மதிப்பெண் சான்றிதழ்கள் இணையதளங்களில் பதிவேற்றம் செய்யப்பட்டுள்ளன .
மதிப்பெண் பட்டியலை பதிவிறக்கம் செய்வதில் ஏதேனும் பிரச்னை ஏற்பட்டாலோ அல்லது மதிப்பெண் பட்டியலில் ஏதேனும் குளறுபடிகள் இருந்தாலோ மாணவர்கள் சம்பந்தப்பட்ட பள்ளியின் தலைமையாசிரியர்களை அணுகி தீர்வு பெறலாம் பள்ளிக் கல்வித் துறை அதிகாரிகள் தெரிவித்தனர் .
No comments:
Post a Comment